1Cor 13 | SWP | STEP | Tatao eo aneru memenadi eai eau taba ea riba, na ena gadosisi nige ea abi, eau boiatu dagudaguguna mo, e pate se oioi gaibu.

1 Corinthians 13

Ainauia saesaena ede Gadosisi.

1 Tatao eo aneru memenadi eai eau taba ea riba, na ena gadosisi nige ea abi, eau boiatu dagudaguguna mo, e pate se oioi gaibu. 2 Eo taba ea riba peroveta, eo sonoga eamuyamui eo riba piripiridi arigu eai se masaraha, eo egu sunuma i lai taba oea tupidi ea hemoimoiudi, na egu gadosisi nige’e, eau ea deha ariri. 3 Egu gogo gamagamagari taba ea soiei bena taugogogesagesa ea heaidi, taugu taba ea moselaei bena se gabu, ia mo nige aniona, ena nige ea gadosisi.

4 Gadosisi i taubiga ariri, i abilolo. Gadosisi nige i aiaromagigiri, nige i ribapasipasiuioi; 5 nige i nuasaesae eo nige ena abi se baaea. Gadosisi nige iabom ena nuatu mo i lauwatai; taba nige se hesom i nuabaaea, nige i lauhegiru. 6 Baaea arinai taba nige i kode, riba mamohoina mo arinai ie kode. 7 Gadosisi ginauri gamagaridi i baheidi, ginauri gamagaridi i awamamohoiedi, ginauri gamagaridi i sunumaedi, ginauri gamagaridi aridi eai i torotahitahi.

8 Gadosisi taba nige i tauyamui. Peroveta ribadi abo se tausuara, arina udoi udoi abo se lautom, sonoga abo se hemuri. 9 Paana ita tupona mo ta italobai, arinai tupona mo ta riba‐perovetai; 10 na lolo‐dumadumana i laoma abo lolotupona wa i helaudamai. 11 Eau magagirigu eai wa ea ribariba doha merumeru, egu nuanuatu doha merumeru, egu heuheuio doha merumeru, i lau e ea taulailai, abo merumeru laulaudi ea torehesuaradi. 12 Ita huia ta doha ta itaitalau ilu eai, i gaugau, na nei huiana ne abo matada eai ta haiitaita. Aboina tupona mo ea italobai, nei huiana ne abo maudoina abina ea ata, doha eau hinage abigu i atao. 13 Arinai ede awamamohoi, sunuma, eo gadosisi se ota, teina haiona ta; na saesaearirina ede gadosisi.